如果有人同你講,下個星期好天氣,不如去將軍澳華人永遠墳場影下相,遠下足,你會有咩反應?
-
自古以黎,去墳場本身對於香港人黎講已經係一個忌諱,更何況去墳場影相?
-
相隔一個海既台灣,對於係墳場(台灣稱陵園)影相,好似並冇香港人果種怕怕既感覺,甚至成為打卡勝地,當然唔係對住個墓碑影啦👻👻👻
-
係台灣,有幾個影相靚既打卡勝地,其實都係係墳場範圍入面,即係其中一個方向係你影靚相既話,而另一面已經係幾百個墳對住你👻👻👻
-
今次介紹既係宜蘭既褔園,係依個褔園既墳場入面,入面有個叫蜊埤湖既地方,其中一邊種滿落羽松,影落去以為唔知去左邊到世外桃園,唔講根本唔知其實你既背面全部都係墓碑.
-
地點位置黎講,都係自駕最為方便,唔係係好鄕村既地方,由市中心去都唔洗揸好耐.如果去到唔知點影好,好簡單只要開返IG搵蜊埤湖,大把示範俾你睇,用手機相機跟返個角度,無論你係幾[神級]既攝影大師,都可以輕易影到靚相.
-
除左依個褔園裹面既蜊埤湖,其實仲有唔洗出名既墳場打卡勝地,例如同樣位於宜蘭既[櫻花陵園],裹面既設計都好[文青able]
-
雖然當地人都係咁去影相,但餅仔提提大家,地方乃人家長眠地方,盡量不要大聲打擾人家,弄得人家生氣跟你回家就不好了👻👻👻
-
對於依類型既禁忌,泰國亦冇香港人咁避忌,根據餅仔在IG打滾多年,發現唔少泰國人都喜歡在親友設靈時,在先人的違照前影相,然後放上IG.有啲什至係帶著去笑容去影依幅相.可能對於佢地黎講,依個係尊重同表示思念既一種方法,從此亦可了解到香港,台灣,泰國既死亡觀.
-
講左咁耐,你又敢唔敢係墳場影相呢?👻
Search